Datorren asteartean beste 600 maskara banatuko dituzte Alde Zaharrean, Sanjuandegin eta Urrestillan

Erabiltzailearen aurpegia da hau Elkar-ekin | Gizartea
2020ko api. 30a, 09:27

Herritar talde bat eta Elkar-ekin elkarlanean egiten ari garen ekimenaren bidez, jada herriko jostunek egindako 700 maskara baino gehiago banatu ditugu herritarren artean. Aurrena, zaintza eta garbiketa lanetan dabiltzan pertsonei 100 maskara banatu genizkien; pasa den asteartean, berriz, 600 maskara baino gehiago banatu genituen herritarren artean.

Oraindik lanean jarraitzen dugu, eta datorren astearterako beste 600 maskara egingo ditugula aurreikusten dugu; beraz, asteartean bertan banatuko ditugu maskarak herritarren artean.

Banaketak 17:00etatik 19:00etara egingo dira, honako puntu hauetan:

- Urrestillan, Gazte Lokalean.

- Sanjuandegin, Auzo Lokalean.

- Alde Zaharrean, Elkargunean.

Datorren asteartekoa izango da egiten dugun azken banaketa.

Informazio gehiago

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu