Larunbaterako manifestazioa deitu dute, 'Zaldibar argitu, langileak aurkitu, errauskailua gelditu' lelo hartuta

Erabiltzailearen aurpegia da hau Elkar-ekin | Gizartea
2020ko ots. 18a, 09:52

'Zaldibar argitu, langileak aurkitu, errauskailua gelditu' lelo hartuta, Azpeitian manifestazioa egingo da. Hain zuzen ere, larunbatean, otsailaren 22an, izango da, 18:30ean, herriko plazatik irtenda.

Atzo, astelehena, arratsaldean Elkar-ekinek deituta bilkura irekia egin zen Sindikatu Zaharrean, eta bertan herriko hainbat talde eta norbanako bildu ziren; guztira, hogei pertsona inguru.

Bilera horretan bildutakoek aste honetan Azpeitian bi ekintza egitea adostu zuten. Hain zuzen, honako hauek dira antolatu dituzten ekintzak:

- Bihar, asteazkena, otsailak 19: 'Zer gertatzen ari da Zaldibarren?' izenburu hartuta, hitzaldia egingo da. Sanagustin kulturgunean izango da, 19:00etan, eta Ainhoa Intxaurrandieta GHK-ko lehendakari ohia izango da hizlaria.

- Larunbatean, otsailaren 22an, berriz, manifestazioa egingo da, 18:30ean plazatik abiatuta.

Aste honetan, herriko talde eta arlo desberdinetako kideekin harremanetan jarriko dira manifestazioaren antolatzaileak, mobilizazioak ahalik eta babes handiena izan dezan.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu