Itzurun hondartzaren egoera kontsulta daiteke 'Baleike'-n

Erabiltzailearen aurpegia
Itzurun hondartza.

Zumaiako Udalak Itzurungo hondartzaren gainaldean du webkamera, eta Baleike.eus webgunean ikus daiteke zuzenean hondartzaren egoera zein den.

Udan sartzearekin batera eguraldiak ere hobera egin du, eta eskualdeko hondartzak jendez betetzen ari dira apurka-apurka. Herritar askoren galdera izan ohi da hondartzaren egoera eta eguraldia nolakoa den, eta Baleike.eus webgunean zuzenean ikus daiteke zein den Itzurun hondartzaren egoera.

Lehendik ere kontsultatu zitekeen hondartzaren egoera webgune horretan, baina Zelai hotelean sute txiki bat izan zen, eta han jarrita zegoen webkamera kendu behar izan zuten. Orain, ordea, Zumaiako Udalaren webkameraren seinalea ezarri dute Baleike.eus-en eta honako lotura honetan ikus daiteke, zuzenean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide