Azpeitian bildutako betaurrekoak, Keniara

Erabiltzailearen aurpegia

Herritarrek Inar optikan utzitako betaurrekoak Keniako umezurztegi batera iritsi dira. Optika horretan herritarrek erabiltzen ez dituzten eguzkitako betaurrekoak nahiz graduatutakoak biltzen dituzte, ondoren horien beharra duten tokietara eramateko. Aurtengoan Keniara eraman ditu herritar batek, umezurztegi batera joan baita kooperante lanetara. Optikako arduradunek azaldu dutenez, 50 bat betaurreko eraman dituzte hara. Dena den, ez da halako ekintza bat egiten duten aurreneko aldia; izan ere, orain dela pare bat urte hainbat betaurreko Swazilandiara eraman zituen azpeitiar batek. Argazkian, umezurztegiko hainbat kide betaurrekoekin. (Argazkia: Inar optika)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide