Lagun Onakek Getxoren aurka neurtuko ditu indarrak larunbat arratsaldean Garmendipen
2018ko mar. 1a, 15:04
Larunbatean, 17:00etan hasita, Lagun Onakek Getxoren aurka neurtuko ditu indarrak Garmendipe futbol zelaian. Azpeitiko taldeak zortzi jardunaldi galdu gabe pasatu bazituen ere, azken bietan ez du lortu punturik. Durango eta Somorrostroren aurka zortzi gol jaso ditu taldeak, eta larunbatean aukera ezin hobea du egoerari buelta emateko. Sailkapenean azken aurreko postuan den Getxo izango du parez pare Lagun Onaken gizonen lehen taldeak. Getxoko taldeko jokalariak puntu beharrean dira, beraz ez da batere partida erraza izango Azpeitiko taldearentzat. Hurbildu Garmendipera, denon laguntza baita garrantzitsua!