Abortatzeko eskubidea!

Erabiltzailearen aurpegia da hau Bilgune Feminista | Gizartea
2014ko urt. 4a, 09:29

Iritsi da azkenean, horrenbeste denboran iragartzen aritu ondoren, abortua eskubide bezala bertan behera uzten duen legea.

Espainiar estatua eta Eliza katolikoaren eraso berri honek zuzenean emakumeok gure buruaren inguruan dugun erabakitzeko ahalmena mugatzen du.

Ongi dakigu, aurretik eta 1985-2010 bitartean martxan egon ziren legeek zer ekarri zuten emakumeontzat: seguruak ez ziren metodoen erabilera, egoera higieniko ezegokietan egindako abortuak, klandestinitatea. Hau guztia kontuan hartu gabe gaitasun ekonomikoak zelako desberdintasunak eragiten zituen abortatzeko garaian ere.

Ez dugu inolaz ere egoera horretara itzuli nahi. Inoiz baino arrazoi gehiago ditugu kaleak hartu eta gure gorputza geurea dela esateko. Adi mobilizazioei!!!

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu