Egosgogorrak gara, ordea, eta berpiztuta itzuli gara, berrituta. Ekimenari jarraipena emateko gogo biziz. Sare Herritarraren proiektua irekia da, bizirik dago eta denen ekarpenak ongietorriak dira. Guztion artean bakarrik lortuko baitugu gure aldarriak Euskal Herriko bazter eta txoko guztietan oihartzuna izatea eta orain ezinezkoa dena errealitate bihurtzea: mugiezina dena mugiaraztea. Espetxe-politika bidegabe honekin amaitzea, alajaina.
Zentzu honetan, urtarrilaren 9an sakabanaketa eta kartzeletako salbuespen neurrien aurkako mobilizazio erraldoia deitu du Sare Herritarrak Bilbon. Guk, geure partetik, dugun onena emango dugu Bizkaiko hiriburuan azpeitiarron ahotsa ahalik eta ozenen entzun dadin. Bide batez, lerro hauetatik ekimenean parte-hartzera dei egiten dizuegu.
Azpeitiko Sare Herritarra martxan da berriro ere. Eta zeresana ematera goaz!