Adinekoen zaintza, karitatetik eskubidera izenburu hartuta hitzaldia eskainiko du bihar, asteazkena, Begoña Garmendia abokatuak. 17:00etan da solasaldia, Basazabal jauregian.
Baigera jubilatuen elkarteak antolatu du Garmendiaren hitzaldia. Abokatuak gaur egungo zaintza ereduaz eta adinekoen zaintzarako eredu berriez hitz egingo du. Araban, Bizkaian eta Gipuzkoan indarrean dagoen zaintzaren araudia ere azalduko du Garmendiak biharko solasaldian.