Azpeitiko Udalak "trasteleku komunitarioak" sortzeko proiektua dauka esku artean. Hori dela eta, Alde Zaharreko bizilagunekin bilkura egingo du udalak hilaren 15ean, 19:00etan udaletxean, haien iritziak eta ekarpenak jasotzeko.
Udalak azaldu duenez, Alde Zaharreko bizilagunek bolumen handiko materialak gordetzeko arazoak izan ohi dituzte, "etxeen ezaugarriak" tarteko; izan ere, "portal txikiak izatea eta igogailu falta" ohikoa da Alde Zaharreko eraikinetan, eta, ondorioz, "espazio falta" izaten dute bizilagunek. Egoera horri irtenbidea eman nahian proposatuko du udalak trastelekuak martxan jartzeko ideia.