Julian Elortza etorbideko eta burdinbidearen euskal museoaren ondoko autobus geltokiak botatzen ari dira. Azpeitiko Udalak markesina berriak jarriko ditu bi geltoki horietan, aurrez zeudenak "egoera txarrean" baitzeuden. Dena den, obrek ez dute eraginik izango autobus zerbitzuetan.
Lanak amaitu bitartean, karpak jarriko ditu udalak, autobusen erabiltzaileek aterpea bermatuta izan dezaten. Udalak jakinarazi duenez, markesina berriak datorren asterako jarrita egotea aurreikusten dute.