Karnabalak direla eta, asteleheneko eta astearteko hondakin komertzialen bilketa ordutegian aldaketak iragarri ditu Urola Erdiko Mankomunitateak.
Astelehenean, hilak 12, alde zaharreko tabernen errefusa 07:00etan jasoko dute; hondakin organikoaren eta errefusaren ohiko bilketak, berriz, 09:00etan egingo dituzte.
Asteartean, hilak 13, alde zaharreko tabernen errefusa jasotzera bitan pasatuko dira, 06:30ean eta 07:30ean; eta ondoren, 10:00etan, kartoi komertzialak jasoko dituzte.
Mankomunitateak tabernariei zein merkatariei eskatu die hondakinak ateratzeko orduak errespeta ditzatela, eta hondakin mota bakoitza dagokion garairako atera dezatela.