Martxoaren 14tik 24ra ospatuko da aurten 23. Korrika, Harro herri lelopean. Irunen (Gipuzkoa) hasiko da, eta Baionan amaitu. Korrikaren bueltako lanei aurre egiteko, Korrika batzordea osatu nahi dute Azpeitian, eta horretarako lehen hitzordua jarri dute. Bilkura hilaren 23an izango da, Dinamoa sormen gunean, 19:30ean hasita.
Zaparraie euskara taldeak eman du deialdiaren berri. Azaldu dutenez, "Korrika herri mailako ekimen bat izanik, herriaren parte-hartzea ezinbesteko " ikusten dute . Herri batzordearen xedea ere jakinarazi dute: "Lana bi edo hiru lagunen gain jarri beharrean, lanak banatu eta denok apur bat eginez, antolaketa erraztea izango da helburua, elkarlan polit bat eratuz".