Gaur zabaldu dute urteko sasoi honetan haurren aisialdirako ezinbesteko hitzordu bilakatu den Gabonetako parkea, eta jendetza bertaratu da. 10 urteko haurrei zuzendutako jolasak eta puzgarriak aurki daitezke Izarraitz pilotalekuan, eta gaur bihar eta etzi –asteartea, asteazkena eta osteguna– zabalduko dute, 16:00etatik 20:00etara. Azpeitiko Udalak, Bertan merkatari elkarteak, Kulturaz kooperatibak eta Bizik Gabon sasoirako antolatutako egitarauaren barruan jarri dute parkea. Bi euro ordaindu beharko da sarrera.
