Azpeitiko Udala Euskalerria auzoko skate parke zaharrean obrak egiten ari da, eta joan diren ostegunean eta ostiralean, aparkaleku ondoko errepidea asfaltatzea zuten aurreikusita. Dena den, euria dela eta, ezin izan dituzte lan guztiak amaitu, eta asteburuan behin-behinean zabalduko badute ere, astelehenean jarraituko dute lanekin, eguraldiak laguntzen badu.
Beraz, astelehenean ere trafikoan aldaketak izango dira, eta ezingo da Jim Clark aurretik pasatu. Horren ordez, epaitegi aurreko aparkalekutik bideratuko dute trafikoa. Udalak adierazi du, "obrek ekar ditzaketen eragozpen eta nahigabeak ahalik eta txikienak" izan daitezen lan egingo dutela, eta aurrez barkamena eskatu du, sor litezkeen arazoengatik.