Ekoetxeak antolatuta, Loiolako Igarako errota ezagutzeko aukera izan dute herritarrek asteburuan zehar. Atzo, larunbatez, nahiz gaur, igandez, bina bisita gidatu eskaini dituzte Igarako errotaren funtzionamendua gertutik ezagutzeko. Gaur goizean jende ugari bertaratu da ate irekien saioetara. Aurrena 11:00etan egin dute eta 12:00etan bigarrena. Adin guztietako herritarrek parte hartu dute bisita gidatuetan, eta horiek guztiek XVIII. mendeko ur errotaren funtzionamendua ezagutzeko parada izan dute. Hain zuzen, errekako uraren indarra baliatuz arto irina nola ehotzen den ikasi dute. Ikusmin handia sortu du hitzorduak.
Urtero bezala, Uraren Nazioarteko Egunaren bueltan antolatu dituzte bisita gidatuak.