Euskaraldiak bereizgarri bat izan du aurten Azpeitian, Hikaldia egin dute egitasmoaren barruan, eta ariketa horri amaiera emateko, Hikapoteoa izan zen atzo, larunbata, Euskaraldiaren herriko batzordeak eta Alde Zaharreko Tabernarien Elkarteak antolatuta. Alde Zaharreko tabernetan egin zuten hikapoteoa, eta AZTEko tabernetan jatekoa nahiz edatekoa hika hitz eginez eskatzen zituzten herritarrek zozketarako txartelak eskuratu zituzten. Gainera, Skapaie elektrotxaranga ibili zen kalez kale giroa alaitzen, eta jende ugari bertaratu zen.
