Azpeitiko Ikasle Abertzaleek atzo ekin zioten Indarkeria Matxistaren Kontrako Egunaren harira antolatutako ekintzei. Sindikatu Zaharrean tailerra egin zuten hainbat lagunek, Emakume-auziaz hausnartzen izenburupean, eta formakuntza eta hausnarketa uztartu zituzten saioan.
Ostiralean, Indarkeria Matxistaren Kontrako Egunean, hitzaldiak eta kontzentrazioak egingo dituzte ikastetxeetan nahiz horien atarietan, Indarkeria matxistaren aurrean, emakume langileok antolakuntza lelopean.