Azpeitiko Udal Liburutegiko XXXIII. Ipuin Kontaketa saioek aurrera jarraitzen dute, eta datorren astelehenean, urriak 17, ekitaldi berri bat izango da, 17:30etik aurrera. Hain zuzen ere, Sorgina Txirulina izango da liburutegian ipuinak kontatzen, Haur Hezkuntzako 5. mailako haurrentzat.
Kontaketara joan nahi dutenek aurrez izena eman beharko dute, eta ostirala, hilak 14, izango da horretarako azken eguna. Izena emateko hiru modu daude: liburutegian bertan, 943-15 71 95 telefonora deituta edo 688 81 55 06 telefono zenbakira whatsapp mezu bat bidalita.