Loretokiko gimnastek erakustaldiarekin agurtu dute ikasturtea

Aurreko bi urteetan egin gabe utzitako jendaurreko jaialdia berreskuratu du herriko gimnastika erritmiko klubak gaur kiroldegian.

Aurreko bi urteetako etena eta gero, aurten bai, ikasturte amaierako jaialdia egin ahal izan dute Loretoki gimnastika erritmiko klubeko ikasleek.

Adin desberdinetako berrogeitik gora gimnastek harmailetan elkartu diren etxekoen eta lagunen aurrean erakutsi ahal izan dute azken hilabeteetako entrenamendu saioetan ikasitakoa, gaurkorako propio prestatutako banakako zein taldekako ariketekin eta koreografiekin.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide