Sanjuandegiko festak 2022

Dantzari txikiek alaitu dute Sanjuandegiko igande goiza

Eguraldi ona lagun, dozenaka dantzari txikik emanaldia eskaini dute Jose Antonio Agirre plazaren aldamenean. Arratsaldean jarraituko du festak.

Sanjuandegiko festak azken txanpan sartuta daude, baina oraindik ere badago zertaz gozatua auzoan. Goizean goiz zezena izan da kaleetan zehar, eta eguerdian dozenaka dantzari txikik emanaldia eskaini dute Jose Antonio Agirre plazaren alboko oholtzan. Askotariko dantzak egin dituzte horiek agertokian, eta eguraldi ona lagun, giro bikaina nagusitu da Sanjuandegiko jaien igande goizean. Arratsaldean jarraituko du festak, zezen txikiak eta herri kirolak izango baitira.

Hona hemen gaurko egitaraua:

  • 16:30. Zezen txikiak.
  • 18:30. Herri kirolak.
  • 19:45. Poteko mantangorri zenbaketa.
  • 20:00. Mantangorriri agurra.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide