Sanjuandegiko festak 2022

Sanjuandegiko festetako I. Gazteen Patata Tortila Lehiaketako izen-ematea, zabalik

Ekainaren 4an izango da lehiaketa, 17:00etan hasita. 12 eta 18 urte arteko gazteek har dezakete parte tortila patata txapelketan, eta gehienez 5 pertsonako taldeak osatu ahalko dira. Maiatzaren 24an itxiko dute izen-ematea.

Gazteen Tortila Txapelketa antolatu du aurrenekoz XJ Auzolanean taldeak aurtengo festetarako, eta dagoeneko ireki dute izen-ematea. Lehiaketa 12 eta 18 urte arteko gazteei zuzenduta dago, eta parte hartu nahi dutenek honako galdetegi hau bete beharko dute. Horretarako azken eguna maiatzaren 24a izango da. 

Ekainaren 4an 17:00etan hasiko da txapelketa, horretarako txosnen aurrean jarriko duten gunean. Binaka nahiz taldeka parte har daiteke txapelketan, baina gehienez bost pertsonako taldeak osatu ahalko dira.  

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide