Iker Zinkunegik eta Aratz Aizpuruk irabazi dute Azpeitiko Rallysprintaren XXII. edizioa

Lagun Artea eskuderiako bikoteak egin du denbora onena, eta beraz, errezildarrarentzat eta azpeitiarrarentzat izan da garaipena. Azpeitia, Etumeta eta Aizarna artean osatu dute hamabost kilometroko ibilbidedun proba. Bigarren izan dira Jokin Agirre eta Arantzazu Araneta azpeitiarrak, eta hirugarren egin dute Aitor Aristregik eta Markel Povedanok.

Iker Zinkunegi errezildar pilotuak eta Aratz Aizpuru azpeitiar kopilotuak (Peugeot 208 Rally 4) irabazi dute Azpeitiko Rallysprintaren XXII. edizioa. Azpeitia-Etumeta-Aizarna hamabost kilometroko ibilbidean egin dute proba gaur, 14:30ean hasita, eta denborarik onena Lagun Artea eskuderiako bikoteak erdietsi du. Haien ostean, bigarren postuan, sailkatu dira Jokin Agirre eta Arantzazu Araneta (BMW M3) azpeitiarrak, eta hirugarren, berriz, Aitor Aristregi eta Markel Povedano (Mitsubishi Lancer Evo IX) izan dira. Orotara, 32 bikote zeuden probarako izena emanda, baina batzuek ez dute parte hartu eta beste batzuek ezin izan dute rallysprinta bukatu; 20 pilotu-kopilotuk egin dituzte hiru mangak.

(Argazkiak: Urtzi Oteiza)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide