Ikasberri ikastolaren ondoko parkea eraberritu dute

Xarma parkea, berrituta. (Maialen Etxaniz)

Jolaslekua berritzeko eta irisgarriago egiteko lanak gauzatu ditu udalak Xarma izeneko parkean. Haurren garapenean lagungarri izateko asmoz atondu dute gunea.

Izarraizko Atearen eta Ikasberri Azpeitiko Ikastolaren artean kokatzen den Xarma parkea berritu du udalak. Material naturalez egindako herriko lehen parkea izan zen hori, eta azken asteotan, hura berritzeko eta irisgarriago egiteko lanak gauzatu dituzte bertan.

Haurren garapenean lagungarri izateko asmoz atondu dute parkea; hau da, natur jolasak baliatuz, helburu pedagogikoak bultzatuko ditu jolasguneak. Orain gutxi gauzatutako obrarekin, zaharkitutako materiala berritu dute, haurren segurtasuna bermatzeko. Horrez gain, parkea bera, hango sarrera-irteerak, zein eremuen arteko lotura irisgarriago egin dituzte. Material naturala mantentzeko, nahastea gutxitzeko eta mantenua hobetzeko neurriak ere hartu dituzte.

(Argazkia: Azpeitiko Udala)

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide