Zapatuan, egun osoan zehar, haurrentzat eta gaztetxoentzat jolas parkea izango da Izarraitz pilotalekuan. 11:00etatik 20:00etara bitartean izango da gunea irekita, eta hara joan nahi dutenek aurrez txanda erreserbatu beharko dute.
Udalak bost txanda zehaztu ditu, karnabalen atariko egunean martxan izango den parkerako. Herritarrek 11:00etako txandan, 12:30ekoan, 16:00etakoan, 17:30ekoan eta 19:00etakoan joan ahal izango dute hara. Sarrerak Azpeitiko Udalaren webgunean eskura daitezke sarrerak, bi euroren trukean.