Bertan da asteburua, eta karnabaletarako atzera kontaketa hasi da. Jaiak urtebeteko etenaren ostean datozenez, nabarmena da herritarrak gogotsu daudela festa horietarako. Horren erakusle dira herriko erakusleihoak; askok eta askok apaindu dituzte dagoeneko. Batzuek Txikiteo Elegante Eguneko jantziekin; besteek koloretako maskarekin, pajarita nahiz txapelekin... Herria girotzen ari da karnabaletarako.