Urrezko LEB ligako derbia jokatzekoak ziren datorren larunbatean, urtarrilak 8, Acunsa Gipuzkoa Basket eta Juaristi ISB. Donostiako Illunben zuten 15. jardunaldiko partida, baina Gipuzkoa Basketek jakinarazi duenez, neurketa bertan behera gelditu da, Donostiako taldean "hainbat positibo" atzeman ondoren. Derbiak data berria izango du, beraz, baina oraindik ez dute jakinarazi noiz arituko diren elkarren aurka.