Koronabirusa Azpeitian

Bertan behera gelditu dira Landetako festak

2019ko Landetako festetako irudi bat.

San Eloi eguna da bihar, festa eguna Landetan. Horren harira, hainbat ekintza egitekoak ziren igandean auzoan, baina egungo osasun egoera dela eta, ospakizunak bertan behera uztea erabaki dute.

Landeta auzoan ospakizun eguna izan ohi da biharkoa, abenduaren 1a, San Eloi eguna. Festa egun horren harira, igandean hainbat ekintza egitekoak ziren auzotarrak; besteak beste, antolatuak zituzten herri kirolak eta zezen txikien saioa. Dena den, egungo osasun egoera dela eta, udalarekin harremanetan jarri dira auzotarrak, eta denen artean erabaki dute hobe dela ospakizun horiek ez gauzatzea, jende pilaketak eta kutsatzeak saihesteko. Horrenbestez, bertan behera utzi dituzte Landetako festak.

Hala eta guztiz ere, auzotarrek ez dute esperantza galdu, eta festa horiek geroago egiteko asmoa dutela azaldu dute. Hain zuzen ere, udaberri aldean egingo dituzte festak, osasun egoerak horretarako aukera ematen baldin badu.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide