Parte hartze handikoa izan da Ikasle Abertzaleak mugimenduak Azpeitian egindako Eskola Ibiltaria

Egun osoko egitarauarekin egin zuen atzo, ostirala, Eskola Ibiltaria Ikasle Abertzaleak Euskal Herriko Ikasle Langileen antolakunde sozialistak. "Ikasle mugimenduaren formakuntzarako", hainbat ekintza egin zituzten egun osoan zehar: mendi ibilaldia, bazkaria, hitzaldiak, kontzertuak...

Jende ugarik parte hartu zuen atzo, ostirala, Ikasle Abertzaleak Euskal Herriko ikasle langileen antolakunde sozialistak Azpeitian antolatutako Eskola Ibiltarian. Goizean goizetik hasita, hainbat ekintza egin zituzten "ikasle mugimenduaren formakuntzarako". Goizean, parte hartzaileei harrera egin ondoren, mendi irteera egin zuten. Ostean, bazkaltzeko elkartu ziren guztiak; Urola Ikastolako frontoian eta Frontoi Txikian sei laguneko mahaietan banatuta bazkaldu zuten. Arratsaldean, berriz, bi hitzaldi izan ziren Nazio auziaz hausnartzen eta Ikasle Abertzaleaken azken urteei begirada bat izenburupean. Segidan, Soreasu antzokian ekitaldia egin zuten. Eskola Ibiltaria bukatzeko, Rodeo eta Desgaraian taldeen kontzertuak izan ziren, Gaztetxean.

Argazkiak: Ikasle Abertzaleak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide