Parrokia eta Bakardadearen kapera ezagutzeko bisita gidatua izango da zapatuan

Bakardadearen kaperako irudia.

11:00etan hasita eskainiko du saioa Vicente Davila historialariak. Bisita doakoa izango da, baina aurrez izena eman behar da.

Soreasuko Sebastian Donearen parrokia, Bakardadearen kapera eta Iñigoren bataio pontea bisitatzeko aukera izango da larunbatean Azpeitian. Iraurgi Berritzeneko Turismo Sailak antolatutako bisitak egiten ari dira astez aste, eta zapatukoa ere Vicente Davila historialariak eskainiko du.

11:00etan hasita eskainiko du hark bisita, eta beraz, parte-hartzaileek ordu horretarako parrokiaren atarian egon beharko dute. Bisita doakoa izango da, baina aurrez izena eman behar da 943-15 18 78 telefono zenbakira deituta, i-loiola@urolaturismo.eus e-posta helbidera idatzita edo Loiolako turismo bulegora joanda.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide