Koronabirusa Azpeitian

1.096 positibo baieztatu dituzte Hego Euskal Herrian

98 kasu zenbatu dituzte Araban, 368 Bizkaian, 288 Gipuzkoan eta 335 Nafarroan. Duela astebete, 706 kasu baieztatu zituzten lau lurraldeetan. 

Eusko Jaurlaritzaren Osasun Sailak eta Nafarroako Osasunbideak kaleratu dituzte atzoko proben emaitzak, eta 1.096 positibo atzeman zituzten Hego Euskal Herriko lau lurraldeetan, bezperan baino 55 gehiago. Gora egiten jarraitzen du positibo kopuruak; izan ere, duela astebete 706 kasu baieztatu zituzten lau lurraldeetan. Zehazki, 98 kasu zenbatu zituzten atzo Araban, 368 Bizkaian, 288 Gipuzkoan, 335 Nafarroan eta zazpi lurralde horietatik kanpo. Guztira, 11.504 proba egin zituzten lau lurraldeetan, eta beraz, %9,52koa da positibotasun tasa.

Osakidetzak emandako datuen arabera, 55 pertsona ospitaleratu ziren atzo COVID-19aren eraginez Araba, Bizkai eta Gipuzkoako zentroetan, eta gaitz hori duten 121 pertsona daude ZIUetan gaur-gaurkoz. Bestalde, hiru pertsona ospitaleratu zituzten atzo Nafarroako erietxeetan; atzo 30 pertsona zeuden ospitaleratututa, eta horietatik hamabi ZIUetan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide