Erreferendumaren aldeko sinadura bilketa hasiko du Azpeitiko Gure Eskuk zapatuan

2016ko ekainaren 12an Azpeitian egin zen independentziari buruzko herri galdeketarako sinadura bilketa egin zuen Hitzartuk.

Taldeko kideek sinadurak jasotzeko mahai bat jarriko dute plazan, 11:00etatik 13:00etara bitartean. Azpeitiarrei erreferendumaren aldeko sinadura emateko deia egin dio Gure Eskuk.

Azpeitiko Gure Eskuk erreferendumaren aldeko sinadura bilketa hasiko du zapatuan. Taldeko kideek sinadurak jasotzeko mahai bat jarriko dute plazan, 11:00etatik 13:00etara bitartean. Azpeitiarrei erreferendumaren aldeko sinadura emateko deia egin dio Gure Eskuk, "nazio bat garelako, erabakitzeko eskubidea dagokigulako eta herritarron garaia delako".

Gure Esku dinamikaren aurtengo erronka nagusia sinadura bilketa handia egitea izango da, euskal herritarrek estatus politikoa modu askean, demokratikoan eta interferentziarik gabe erabaki ahal izateko. "Quebec-en eta Eskozian egin zuten moduan, eta Katalunian egin nahi dutenaren antzera", azaldu du Gure Eskuk.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide