Corrugados Azpeitiari buruzko batzar irekia deitu du Azpeitiko Udalak biharko

Corrugados Azpeitiaren herriguneko lantegia, Amuko zubiaren ondoan. (Maialen Etxaniz)

Bilkura Soreasu antzokian izango da, 19:00etan hasita, eta erakundeak adierazi duenez, "azken momentura arte" jasotako informazioa emango die hara joaten direnei. Batzarrera joateko ezinbestekoa da aurrez sarrera edo gonbidapena eskatzea.

Corrugados Azpeitiaren gaia lantzeko batzar irekia deitu du Azpeitiko Udalak. Bihar, asteazkena, izango da bilkura irekia, 19:00etan, Soreasu antzokian. Udalak azaldu duenez, Corrugados Azpeitiaren bueltan "azken momentura arte" jasotako informazioa emango die hara joaten direnei.

Batzarra irekia izango da, hau da, herritar guztiek izango dute bertan izateko aukera, baina ezinbestekoa izango da aurrez sarrera edo gonbidapena eskatzea, osasun protokoloak bete ahal izateko. Sarrerak aurrez hartu beharko dira Interneten, lotura honetan. Sanagustin kulturgunean ere eskuratu ahal izango dira gaur eguerditik aurrera.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide