Egunerokotasunean borroka ezinbestekoa dugu emakumeon zapalkuntza garaitu eta sistema patriarkal kapitalistan arrakalak sortzeko. Emakume izanagatik gizarteko paper bat egotzi digute, zaintza lanak bizkar gainean daramatzagu eta ahoa irekitzen dugunetan isilarazi egin nahi gaituzte. Horren adibide dira aurten Emakume Langileon Eguna aldarrikatzeko ezartzen ari diren oztopo guztiak.
Hala ere, guk argi daukagu, errua gure gainean pisu handiz kokatu dute, baina bizitzak jarrai dezan ezinbesteko lanetan ibili gara emakumeok osasun krisialdi honetan, eta, gainera, krisi ekonomikoak gogor kolpatu gaitu. Gure bizitzen jabe izan nahi dugu, zapalkuntzarik gabeko gizarte batean amesten dugu eta badakigu antolakuntza eta ahizpatasuna direla hori lortzeko bideak. Bihar, astelehena, 18:00etan plaza beteko dugu eta bertaratzera gonbidatu nahi ditugu herritarrak.
Gora borroka feminista!