Astebete falta da Martxoaren 8rako, Emakumeen Nazioarteko Egunerako, eta "emakume langileen eguna aldarriz betetzera" dator Basanderiek talde faminista, "sistema patriarkala gainditu eta emakumeon zapalkuntzarekin amaitzeko" oraindik egiteko asko dagoela iritzita.
Egunaren atariko gisa, martxoaren 6rako Abortua Euskal Herrian solasaldia antolatu dute. Saio hori Emakumeen Txokoan izango da, 11:30ean hasita. Martxoaren 8an, berriz, plazan herriko plazan jarri dute hitzordua, 18:00etan. Manifestazioa egingo dute aurrena, eta haren ostean, ekitaldi politiko-kulturala. Herritar zein eragile guztiei mobilizazioan parte hartzera dei egin die Basanderiek talde feministak, "guztion alea beharrezkoa baita eraldaketak gauzatzeko".