Alberdieneko etxeen fatxadako harlauza puskak kalera jausi dira

Alberdieneko etxe berrietako fatxadak kalteak izan ditu. Gaur goizean, goieneko solairuko balkoi baten harlauza edo loseta puska batzuk askatu eta kalera jausi dira. Etxebizitza horietako lur azpiko garajerako sarreraren ondora erori dira lauzak. Garaje sarrera ez ezik, eraikinaren azpitik Artzubia eta Goiko kale lotzen dituen espaloirako pasoa ere itxi egin dute, arriskuak saihesteko. Arratsaldean oraindik itxita jarraitzen zuten garaje sarrerak eta espaloirako pasabideak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide