'Denon Artean etorkizuna. Azpeitia 2030' prozesuan, haurren ekarpenak jasota

Sanjuandegiko Txiki Txoko ludotekan egin zuten atzo saioetako bat.

Txiki Txoko eta Iturri Txiki ludoteketan hainbat haur elkartu ziren atzo, ostirala, Azpeitia 2030 Plan Estrategikoa osatzeko prozesuaren barruan beren ekarpenak egiteko. "Herria berramesteko" saioak egin zituzten herriko bi ludoteketan.

Azpeitia 2030 Plan Estrategikoa osatzeko prozesuaren barruan, haurren ekarpenak jaso zituen atzo, ostirala, Azpeitiko Udalak. Denon Artean etorkizuna. Azpeitia 2030 prozesuaren barruan hainbat haur elkartu ziren Iturri Txiki eta Txiki Txoko ludoteketean. "Herria berramesteko" bi orduko saioa egin zuten ludoteka bakoitzean, eta beren ekarpenak eta iritziak emateko aukera izan zuten ludoteketan bildutako haurrek. Haurrek beren ekarpenak era desberdinetan islatu zituzten, batzuek beren ametsak maketak eginda ere azaldu zituzten.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide