San Sebastian bezperarako leihoak eta balkoiak apaintzeko eskatu zien udalak herritarrei, eta haiek zintzo bete dute esana. Zapiak, girnaladak, puxikak, marrazkiak... era guztietako apaingarriak jarri dituzte zintzilik. Eta zenbait merkatarik ere dotore atondu dituzte erakusleihoak. Kalean festarik ez da izango gaur, baina festarako gogorik ez zaie falta azpeitiarrei.