Bustinzuriko Errebaleko hemeretzigarren zenbakidun eraikinean sute txiki bat izan da gaur arratsaldean. 18:00 aldera joan dira bertara suhiltzaileak eta udaltzainak. Suhitzaileek jakinarazi dutenez, koltxoi bat izan da ke-piloa eragin duena.
Hain zuzen ere, bigarren solairuan erretzen ari zen koltxoia; hura itzali eta eraikinetik atera ondoren, etxea aireztatu eta bukatu dituzte lanak suhiltzaileek. Keak eragindakoaz gain, beste kalterik ez da izan ezbeharraren ondorioz.