Espainiako Vueltaren lehen etapa igaro da Azpeititik

Euritan igaro da lasterketa. Txirrindulariak ikustera irten da hainbat herritar eta protestarako tartea ere hartu dute batzuek.

2020ko Espainiako Vueltaren lehen etapa Azpeititik igaro da gaur. Irunen (Gipuzkoa) hasi da lasterketa eguerdian eta Eibarren (Gipuzkoa) bukatuko da, Arrateko gainean. Azpeitian hirurak laurden gutxi aldera iritsi dira lasterketaren burua, bost laguneko ihesaldia, eta ondoren etorri da pelotoia.

Euritan igaro dira txirrindulariak herritik. Hala ere, hainbat herritar atera da errepide ertzetara kirolariak ikusteko eta txalotzeko. Proptestarako tartea ere hartu dute herritar batzuek; Hau ez da Espainia. Independentzia zioen pankartarekin eta ikurrinak eskuetan, dozenatik gora lagun elkartu dira Etxebeltz-Izarra pareko biribilgunean.

Erlazionatuak

Azpeititik ere igaro da Espainiako Itzulia

Kirolak

Irunen hasi eta Eibarren amaitu da Espainiako Itzuliko lehen etapa, eta txirrindulariak eguerdi aldean igaro dira eskualdeko herrietatik, baita Azp...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide