'Tonbola' kaleko kabaret ikuskizuna eskainiko dute etzi plazan

'Tonbola' antzezlaneko irudi bat. (Hika Teatroa)

19:30ean hasiko da ikuskizuna, plazan, eta edukiera mugatua izango da. Tonbolero familia batek Europan bizirauteko egin beharrekoak kontatzen dira ikuskizunean.

Hika Teatroa taldeak Tonbola kaleko kabaret ikuskizuna eskainiko du etzi, igandea, plazan, 19:30ean hasita. Udalak adierazi duenez, eserita egon beharko dute ikusleek emanaldian zehar eta edukiera mugatua izango da. Bestalde, eguraldi txarra egiten badu plazan beharrean Azoka Plazan izango da antzezlana. Horrez gain, amanaldiaren amaieran Euskal Antzerki Topaketen aurtengo edizioaren aurrerapena egingo dute.

Hona hemen Tonbolaren sinopsia:

"Tonbola herrira iritsi da, eta harekin batera datoz tonbolaria, haren emaztea eta haien zerbitzariak. Iritsi dira "Ilusio sortzaileak!". Ikuskizun honek tonbolero familia batek eta haren ahuntz atzerritarrak Europan bizirauteko egin beharrekoak kontatzen ditu. Denetarik zozkatzen dute: oliba bilketarako lan-kontratuak, Danimarkarako familiak, ogi txigorgailua, maskarak, bizitza sexuala berpizteko audioliburuak, "Made in Libia" markako paterak, eta, horrez gain, Eurovisionen parte hartzeko bi gonbidapenen balioa duen urrezko txartela. Ez du axola nor zaren, zer zaren, ezta sikiera zer izan nahi duzun. Tonbola honek zuregatik erabakitzen du!"

Eta hemen aurrerapen bideoa:

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide