Pablo Milanesekin liluratuta, Soreasun

Alberto Belokik atzoko kontzertuan ateratako argazkiak zabaldu ditu Kulturaz kooperatibak. Azpeitiko Udalak, bere aldetik, kubatarrak Txoriak txori abestu zuen unearen bideoa zabaldu du sarean.

Ez zien hutsik egin Pablo Milanesek aspalditik atzoko kontzertuaren zain ziren zaleei. Musikari kubatar beteranoak, Ivonne Tellezen (pianoa) eta Caridad Varonaren (txeloa) ezinbesteko laguntzarekin, liluratuta utzi zituen sarrerak agortuta -eta mugak muga- Soreasu antzokia bete zuten ikus-entzuleak. Milanesen klasikoak gogotik abestu eta txalotu zituzten zaleek, eta txalo zaparradek goietako bat jo zuten kontzertuaren bukaeran, kubatarrak Mikel Laboaren Txoriak txori kantatu zuenean.

Azpeitiko Udalak bere Twitterreko kontuan zabaldu du une horren bideoa:

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide