Artzubiako biribilgunetik Artetxe hotelaren parera arteko zatia ibilgailuentzat itxita egongo da bihartik

(Azpeitiko Udala)

Alberdienea ingurua urbanizatzeko lanak hasiko dituzte bihar, eta horregatik itxiko dute errepide zati hori. Plazara doazen ibilgailuak Bustinzuriko Errebaletik barrena bideratuko dituzte, semaforo bidez.

Alberdienea gunean egiten ari diren etxebizitzen ingurua urbanizatzeko lanak hasiko dituzte bihar, eta horren ondorioz hainbat aldaketa izango da oinezkoen eta ibilgailuen zirkulazioan. Artzubiako biribilgunetik Artetxe hotelaren parera arteko zatia itxi egingo dute ibilgailuentzat, eta soilik oinezkoek pasa ahal izango dute handik. Gainera, udalak jakinarazi du litekeena dela egunen batean edo bestean gune hori oinezkoentzat ere itxi behar izatea.

Horrenbestez, beste hainbatetan bezala, plazara doazen ibilgailuak Bustinzuriko Errebaletik barrena bideratuko dituzte, semaforo bidez. 

Lanek sortuko dituzten eragozpenengatik, udalak aurrez barkamena eskatu die herritarrei. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide