Eguzkiarekin batera iritsi dira erabiltzaileak igerilekura

Eguna bi txandatan banatuko dute: goizeko txanda 11:00etatik 14:30era artekoa izango da, eta arratsaldekoa 15:00etatik 20:00etara artekoa. Txanda horietako bakoitzean gehienez 150 lagun sartu ahalko dira igerilekura. 

Atzo ireki zuten estali gabeko igerilekua, osasun eta segurtasun neurriak hartuta eta edukiera mugatuarekin. Euria tarteko, erabiltzaile gutxi bertaratu ziren estali gabeko igerilekura atzokoan. Gaur, ordea, eguzkitsu esnatu da eguna, eta hainbat izan dira igerilekuaz gozatzera animatu diren herritarrak.

Eguna bi txandatan banatuko dute: goizeko txanda 11:00etatik 14:30era artekoa izango da, eta arratsaldekoa 15:00etatik 20:00etara artekoa. Eguerdian itxi egingo dute igerilekua, desinfektatzeko. Txanda horietako bakoitzean gehienez 150 lagun sartu ahalko dira igerilekura, eta derrigorrezkoa izango da aurretik hitzordua hartuta joatea. Aniztasun funtzionala duten herritarrak izango dira aurrez hitzordua hartu gabe igerilekua erabili ahal izango duten bakarrak. Herritarrek www.azpeitia.eus webgunean hartu beharko dute hitzordua. Herritar bakoitzak gehienez astean bi txandatan joan ahal izango du estali gabeko igerilekura.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide