Udaletxean eguzki instalazio fotovoltaikoak jartzeko proiektua landuko dute bihar udalbatzarrean

Eguneko unitatean tasa berria ezartzea eta 2021erako herriko jaieguna izendatzea ere hizpide izango dituzte, besteak beste, ekaineko ohiko bilkuran. Telematikoki egingo dute hil honetako saioa ere, 19:00etan hasita.

Bihar, asteartea, egingo dute ekaineko ohiko udalbatzarra. Azpeitiko Udalak ez ditu, momentuz, bilkura presentzialak berreskuratuko, eta biharko saioa ere telematikoki egingo dute, 19:00etan hasita.

Udaletxean eguzki instalazio fotovoltaikoak jartzeko proiektua exekutatzeko konpromisoa hartzea eta 2021erako herriko jaieguna izendatzea izango dituzte, besteak beste, mahai gainean biharko udalbatzarrean. Hauek dira lan zerrendaren puntu guztiak:

1. Udalbatzak 2020ko martxoaren 10ean eta maiatzaren 5ean egindako bilkuren aktak onartzea.

2. 2021eko lan egutegia: Azpeitiko festa eguna aukeratzea.

3. Udaletxeko eraikinean autokontsumorako eguzki instalazio fotovoltaikoak jartzeko proiektua exekutatzeko konpromisoa.

4. Eguneko unitatean tasa berria ezartzea.

5. Udalaren aurrekontuan 3/2020 Kreditu Txertaketa bidez onartutako kreditu aldaketaren berri ematea.

6. Galderak eta erreguak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide