#EtxeanJolas

Haurrentzako jolasak eta eskulanak, #EtxeanJolas egitasmoaren bidez

#EtxeanJolas egitasmoaren irudia.

Herriko umeei eta horien gurasoei zuzenduta, #EtxeanJolas egitasmoa jarriko dute martxan UKTk eta Gazteria Sailak, elkarlanean. Azpeitiko Txiki-Txoko eta Iturritxiki ludoteketako hezitzaileek haurrentzako hainbat bideo prestatuko dituzte, eta horietan etxean egiteko denetariko ideiak proposatuko dituzte: eskulanak, asmakizunak, jolasak... Gaur eskainiko dute lehen saioa, 16:00etan, Uztarria.eus-en.

Konfinamendu egoera dela eta, Azpeitiko haurrei eta horien gurasoei egunak pixka bat arintzeko asmoz #EtxeanJolas egitasmoa jarriko dute martxan Urolako Komunikazio Taldeak eta Azpeitiko Udaleko Gazteria Sailak elkarlanean. Gaur eskainiko dute aurreneko saioa Uztarria.eus webgunean, 16:00etan hasita.

#EtxeanJolas egitasmoaren barruan, Azpeitiko Txiki-Txoko eta Iturritxiki ludoteketako hezitzaileek haurrentzako hainbat bideo egingo dituzte, eta saio horietan etxean egin daitezkeen eskulanak, asmakizunak eta jolasak proposatuko dituzte, besteak beste. Egunero 16:00etan eskainiko dute #EtxeanJolas saioa Uztarria.eus-en. Egitasmoaren helburua da haurrek ludoteketan egin ohi dituzten ekintzak herriko etxeetara gerturatzea, egunak pixka bat dibertigarriago egiteko. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide