Baserritarrek elikagaien postuak jarriko dituzte gaur arratsaldean, 17:00etatik 19:00etara, Azoka Plazan. Asteartean bezala, gaur ere beharrezko prebentzio neurriak hartuko dituzte: besteak beste, eskularruak erabili beharko dituzte baserritarrek, erosketa batetik bestera eskuak desinfektatuko dituzte eta segurtasun tartea mantenduko dute beren artean. Herritarrek ere segurtasun tartea mantendu beharko dute, ezingo dute umeekin zein helduekin joan eta ezingo dituzte produktuak ukitu. Arrisku talderen batekoak diren herritarrei azokara ez joatea gomendatu diete, eta familia bakoitzeko pertsona bakarra joan ahalko da.
