Telebista eta ikus-entzunezkoen arlorako bi langile behar ditu Urolako Komunikazio Taldeak

Urolako Komunikazio Taldeak telebista eta ikus-entzunezkoen lantaldea osatzeko zuzendaria eta erredaktorea behar ditu. Eskaintzarekiko interesa duen orok abenduaren 20a, ostirala, baino lehen bidali beharko du curriculuma zuzendaritza@ukt.eus helbidera.

Urolako Komunikazio Taldeak telebista eta ikus-entzunezkoen lantaldea osatzeko bi langile behar ditu: zuzendaria eta erredaktorea. Eskaintzarekiko interesa duten pertsonek abenduaren 20a, ostirala, baino lehen bidali beharko dituzte curriculumak zuzendaritza@ukt.eus helbidera. 

Honako hauek dira bi lanpostu horietarako betebeharrak:

Zuzendaria kontratatzeko oinarriak

- Egitekoak:

  1. Telebistaren eta ikus-entzunezkoen arloa antolatu eta koordinatu.
  2. Ikus-entzunezkoen arlorako estrategia garatu lantaldean.
  3. UKTko erredakzioaren zuzendaritzari dagozkion lanak egin.

- Bete beharreko ezaugarriak:

  1. Kazetaritzan edo ikus-entzunezko Komunikazioan goi titulatua eta esperientzia bermatuta izatea ikus-entzunezkoen arloan.
  2. Euskara hutsez lan egiteko gai izatea eta gaztelania egoki menderatzea.
  3. Gidabaimena eta auto propioa.
  4. Proiektuak gidatzeko ekimena eta taldean lan egiteko gaitasuna.

- Aintzat hartuko da:

  1. Frantsesa edo ingelesa menderatzea.
  2. Proiektuen kudeaketa estrategikoan edo antolaketan ikasketak edo esperientzia izatea.

Erredaktorea kontratatzeko oinarriak

- Egitekoak:

  1. Ikus-entzunezko kazetaritza lana (telebistarako, webguneetarako...).
  2. UKTko erredakzio taldean sortzen diren kazetaritza lanak.

- Bete beharreko ezaugarriak:

  1. Kazetaritzan edo ikus-entzunezko komunikazioan goi titulatua eta esperientzia bermatuta ikus-entzunezkoen arloan.
  2. Euskara hutsez lan egiteko gai izatea eta gaztelera egoki menderatzea.
  3. Gidabaimena eta auto propioa.
  4. Taldean lan egiteko eta ardurak hartzeko gaitasuna.

- Aintzat hartuko da:

  1. Frantsesa edo ingelesa menderatzea.
  2. Kazetaritza idatzian jarduteko gaitasuna.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide