Txirrindularitzako Jubenilen XXXVII. San Jose Saria jokatuko dute igandean

Lasterketa 16:00etan hasiko da anbulatorio aurretik, eta Loiola hotelaren parean bukatuko da. Txirrindulariek honako ibilbide hau osatu beharko dute: Azpeitia-Iraeta-Zestoa-Azpeitia-Arroagoia-Zestoa-Azpeitia-Errezil-Azpeitia-Altzarte-Loiola.

Lagun Onak Txirrindulari Elkarteak antolatuta, Jubenilen XXXVII. San Jose Saria jokatuko dute igandean, matxoaren 10ean, Azpeitian. Lasterketa 16:00etan hasiko da anbulatorio aurretik, eta Loiola hotelaren parean bukatuko da. Txirrindulariek honako ibilbide hau osatu beharko dute: Azpeitia-Iraeta-Zestoa-Azpeitia-Arroagoia-Zestoa-Azpeitia-Errezil-Azpeitia-Altzarte-Loiola. Bi ordu inguru iraungo du probak, eta aurreneko txirrindularia 18:00ak pasatxo iritsiko da helmugara. 

Oier Lazkano txirrindulariak (Elproex-Iturribero) irabazi zuen Jubenil mailako XXXVI. San Jose Saria. Proba osoan zehar aurrena joan zen Lazkano, eta hala amaitu zuen lasterketa. Bigarren sailkatu zen Luken Carbayeda (Bazpi) eta hirugarren, berriz, Jon Astigarraga (Ciclos Iturriaga). Guztira, 163 txirrindularik parte hartu zuten proban.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide