Eman daiteke izena 'Ideiatik enpresara' tailerrean

Erabiltzailearen aurpegia Iraurgi Berritzen 2018ko ira. 11a, 13:40

Ikastaroan parte hartzen duten lagunek enpresa sortzeko dituzten ideiak aztertuko dituzte formakuntzaren lehenengo fasean. Bigarren fasean proiektua planifikatzeari ekingo diote, eta hirugarrengoan enpresa sortzeko egin beharreko urratsak ezagutuko dituzte. Besteak beste, marketin eta komunikazio planak, azterketa ekonomikoak, produkzioa eta enpresa martxan jartzeko diru-laguntzak landuko dituzte ikastaroan zehar.

Zabalik dago Iraurgi Berritzenek bultzatutako Ideiatik enpresara tailerrean parte hartzeko izena emateko epea. Ikastaroa enpresa bat sortzeko proiektua aztertu nahi duen pertsona orori zuzenduta dago, eta bertan parte hartzen duten lagunek beren proiektuaren bideragarritasuna aztertuko dute, baita negozio bat irekitzerako orduan eman behar diren urratsak ezagutu ere. Hizpide izango dituzte, esaterako, marketin eta komunikazio planak, azterketa ekonomikoak, produkzioa eta enpresa martxan jartzeko diru-laguntzak. Saioen ordutegia zehaztu gabe du Iraurgi Berritzenek, eta taldea osatu ahala jakinaraziko du. Aurtengoa ikastaroa antolatzen duten zazpigarren aldia da. 

Ikastaroa Lanzituz, Lan Sozietateak Sortuz programaren barruan sartzen da. Egitasmoaren xedea da langabetuen lan munduratzea sustatzea, betiere Lan Sozietateen eredua oinarri bezala hartuta eta ekintzailetasuna bultzatuta.

Europar Fondo Sozialak finantzatu du Lanzituz programa, eta bertan parte hartzen dute ondorengo eragileek: ASLEk (Euskadiko Lan Sozietateen elkartea), Iraurgi Berritzenek, Gipuzkoako Bazkundeak, EHUko GEZKIk (Gizarte Ekonomia eta Zuzenbide Kooperatiboaren Institutua) eta Euskadiko CCOOk.

Informazio gehiagorako jarri harremanetan Iraurgi Berritzenekin, 943-85 11 00 (Ione Eizagirre) telefonora deituta edo ieizagirre@iraurgiberritzen.eus helbidera idatzita. 

ekonomia Azpeitia