Iraurgi Ikastetxeko hainbat ikaslek Uztarria Komunikazio Taldearen eta Urola Kostako Hitzaren Azpeitiko erredakzioa bisitatu dute gaur arratsaldean. DBH 2. mailako ikasleek bi hedabideek egunerokoan egiten duten lana gertutik ezagutzeko aukera izan dute, kazetarien eskutik. Uztarriaren eta Hitzaren sorrera eta ibilbidea izan dituzte hizpide, baita gaur egun bi herri komunikabideek duten funtzionamendua ere.
Iraurgiko gaztetxoek bi taldetan banatuta bisitatu dute Perez Arregi plazako erredakzioa, eta zalantzak argitzeko parada ere izan dute. Bisita amaitzeko taldeko argazkia atera dute irakasleek eta ikasleek elkarrekin, bulegoaren atarian. Iraurgi Astearen barruan egin dituzte bisitak gaur.